الدولار هينهار وهايرجع الدولار تاني بسبعه جنية
الدولار هينهار وهايرجع الدولار تاني بسبعه جنية
تذكرة المترو هاترجع بجنية
انبوبة البوتجاز هاترجع اتنين ونص واربعه لحد بيتك
البنزين هايرجع اتنين جنية والسولار أربعين قرش
حتي اللحمة هاترجع بعشرين والبلدي بخمسة وعشرين
حتى اللبس والهدوم هاترخص الطقم كامل بتلاتين يا بلاش
كيلو البانية بسبعة وكيلو الفراخ بتلاته ونص
الرز ببلاش الشكارة خمسة كيلو بعشرة جنية يا بلاش
المكرونة الكيلو باتنين ونص
ومع ذلك المرتبات هاتزيد واقل مرتب هايخليك تعيش مستور
مش، كده وبس التابلت في المدارس والانترنت مجاني لحد التخرج
رسوم الكليات ٢٥ جنية فى السنة
جواز السفر ٥٠ جنية
البطاقة ١٥ جنية
رخصة السواقة ٦٠ جنية
استيراد العربيات مسموح لك بدون جمارك بدون رسوم عربية في السنة
فلوسك دولار ذهب جنية تطلع وتدخل بيها من البلد في الوقت اللي تحبه محدش هايعترض لك
مش كده وبس حقك مكفول في التعبير عن رأيك بكل حرية
مفيش تسجيل مكالمات مفيش حد بيراقب حساباتك جريمة ان حد يتجسس عليك
تذاكر القطار متوفره سافر من القاهرة لاسوان بخمسة جنية
تم رفع الاكمنة محدش هاقولك بطاقتك ومحدش هايفتشك الا بأذن قضائي
العيش مسموح لكل فرد ٢٠ رغيف يوميا بش ميرميهاش للطيور رجاء
القرى والنجوع والمدن كلها هتتعامل معاملة واحدة في الخدمات الاسفلت والصرف هايوصل لكل مكان
الضرائب تم توحيدها في ضريبة واحدة خمسة في المية على الأرباح رفعنا كل أنواع الضرائب
سافر بدون إذن سفر ولا تصريح عمل انت مواطن حر يا جدع
التجنيد معادش إجباري بس لو فاتك انت الخسران ماهية المجند توازي عشر جرامات ذهب شهريا وانت حر
تملك الأراضي أصبح بالاقتراع العام ومفيش تخصيص لان الأراضي دي ملك انت يا مواطن وضمنا لك الحد الأدنى في التملك قطعة لكل مواطن كاملة المرافق
تم زيادة المعاشات لتواكب الأسعار و١٠٠ شهر مكافأة نهاية الخدمة على اخر اجر لكل موظف
الرعاية الصحية بالمجان للفئات الاقل دخلا
الفلاح له عناية ورعاية خاصة
مش قادر افتكر حلمت لكم بأية تاني لان الحلم قديم من زمان واحنا اليوم معدناش نفع لبعض انتو من طريق وانا من طريق وعلي قد ما ضحكت لازم تبكي يا خايب
اجمد امال وبلاش ولوله زي النسوان اللي فات اسود واللي جاي هباب
