عيب اوي لما تكون مصري وتتحرش لفظيا وتتعرض لناس مش عاوز اقول ضيوف لأنهم مش ضيوف

عيب اوي لما تكون مصري وتتحرش لفظيا وتتعرض لناس مش عاوز اقول ضيوف لأنهم مش ضيوف دول اهل واخوة عيب لما نتكلم ونقول ان فيه تعرض شديد للسودانين في مصر وفيه مضايقات شديدة لهم ولغيرهم

انا هاقول معلومة بسيطة الي يومك هذا رغم الحرب فإن شمال السودان حتى الخرطوم مستضيف لـ أكثر من ٢ مليون مصري ولم يتعرض لهم لا الجيش ولا الدعم السريع لأنهم عارفين انهم مش طرف فاتيجي انت تتعرض لناس مسالمة لم تأتي إليك الا بخير ده مالهوش غير اسم واحد غير انه قلة اصل

الراجل المحترم الجدع ميتعرض لحد في بيته ولا لحد جاي طالب الأمان عندو كل شئ مقبول الا الخسة وقلة الأصل

حاحة اخيرة اللجان الإلكترونية خربت البلد وقعدت على تلها ست كندية مدرسة في مصر وبتحب مصر وبتحب المصرين واتعلمت عربي مخصوص من حبها في مصر يطلع لجان إلكترونية تقول لها ارحلي علي بلدك لما اتكلمت ان قطع الكهرباء مبهدلها في الحر

الست مكدبتش خبر وطلعت علي كندا وصورت لهم فيديو من وسط الثلوج وقالت لهم انا سمعت كلامكم

اللي له حد قريبة لجنة ياريت يتواصل معاه ويقول له كفاية البلد خربت علي أيديكم اللجان الإلكترونية لا تأتي بخير كفاية لحد كده كفاية تخريب للمجتمع